Мурдагы 38 өлкөгө дагы 12 өлкө кошулат: Камбоджа, Эфиопия, Грузия, Гренада, Лесото, Маврикий, Монголия, Мозамбик, Никарагуа, Папуа - Жаңы Гвинея, Сейшелдер жана Тунис. Мамлекеттик департаментте белгилешет, бул тизмедеги өлкөлөрдүн көбү африкалык, жана ал миграциялык коркунучтарды баалоого жараша толукталышы мүмкүн.
АКШнын маалыматы боюнча, программа өзүнүн натыйжалуулугун көрсөттү: визалык кепилдик алган чет өлкөлүк жарандардын болжол менен 97%ы белгиленген мөөнөттө өз өлкөсүнө кайтып келишти. Ошондой эле, ведомствонун маалыматы боюнча, бул чара визалык режимди бузгандарды депортациялоого кеткен чыгымдарды азайтуу менен жүздөгөн миллион долларды үнөмдөөгө мүмкүндүк берет.
Визалык кепилдикти киргизүү Дональд Трамптын администрациясынын миграциялык саясатынын катууланган бөлүгү болуп калды. Reuters маалымдагандай, мурда АКШнын бийликтери белгилүү өлкөлөрдүн жарандары үчүн кирүүгө чектөөлөрдү күчөтүп, визалык режимди бузгандарга каршы чараларды кабыл алышкан.
