Трамп Гренландия боюнча позициясына байланыштуу Европанын сегиз өлкөсүнө бажы салыктарын салуу менен коркутту

The Guardian маалыматтарына ылайык, Трамп 1-февралдан баштап Дания, Норвегия, Швеция, Улуу Британия, Франция, Германия, Нидерланд жана Финляндиядан АКШга экспорттолгон бардык товарларга 10% бажы салыгы салынарын билдирди.

Мындан тышкары, ал 1-июндан тарта тарифтин көлөмү 25% га жогорулаарын белгиледи.

АКШнын президенти Трамп: "Биз көп жылдар бою Дания жана башка ЕС өлкөлөрүн каржылап келдик, алардан эч кандай бажы жыйымдарын же сыйлыктарды албай. Эми, көп жылдан кийин, Дания карызын кайтарууга тийиш - бул дүйнө жүзүндө тынчтык үчүн!" - деп жазды Трамп Truth Social платформасында.

Ал ошондой эле "бажы салыгы Гренландияны сатып алуу боюнча толук келишимге жеткенге чейин алынат" деп кошумчалады.

Трамп "Кытай жана Россия Гренландияны ээлеп алууга аракет кылып жатышат" деп кайрадан кооптонуусун билдирди, "Дания буга эч нерсе кыла албайт" деп баса белгиледи.

Эске салсак, Трамп буга чейин Гренландияны көзөмөлдөө планына каршы чыккан өлкөлөрдөн келген товарларга бажы салыктарын киргизүү менен коркуткан, бул арал "биздин улуттук коопсуздугубуз үчүн маанилүү" экенин билдирген.