Ал Гренландияга келишим түзүү керектигин баса белгиледи, анткени арал Россия же Кытайдын контролуна алынышын каалабайт. "АКШ бул аралды "алып алышы" керек. Болбосо, башка державалар кийлигишиши мүмкүн", - деп кошумчалады ал. "Бул мен президент болуп турганда болбойт", - деп ишендирди Трамп.
Мурда Трамп Россия жана Кытай тараптан келип жаткан потенциалдуу коркунуч тууралуу бир нече жолу сөз кылып, Гренландия үстүндөгү америкалык контролдун зарылдыгын негиздеген. Бирок, Financial Times маалымдагандай, түндүк европалык өлкөлөрдүн дипломаттары аралдын жанында россиялык жана кытайлык кемелердин болушу тууралуу билдирүүлөрдү четке какты.
