Эл аралык булактардын маалыматы боюнча, Улуу Британия европалык союздаштар менен Гренландияда НАТОнун мүмкүн болгон жайгашуусу боюнча сүйлөшүүлөрдү жүргүзүүдө. Бул маселе 8-январда Брюссельде өткөн альянс өлкөлөрүнүн жыйынында талкууланды.
The Telegraphтын маалыматына ылайык, жыйынды катышуучулары НАТОнун Европа боюнча башкы командовантына Арктика аймагында коопсуздукту камсыз кылуунун ар кандай варианттарын карап чыгууну тапшырды.
Мындан тышкары, Европалык Союз Дональд Трамп НАТО аскерлерин жайгаштыруу сунушун четке каккан учурда америкалык компанияларга каршы мүмкүн болгон санкцияларды иштеп чыгууда. Мындай чектөөлөргө Meta, Google, Microsoft, X сыяктуу ири фирмалар, ошондой эле АКШнын банктары жана финансылык мекемелери кириши мүмкүн.
Дональд Трамп Гренландияны АКШга кошуу зарылдыгы жөнүндө бир нече жолу билдиргенин белгилеп өтүү керек. Ал өзүнүн биринчи президенттик мөөнөтүндө аралды сатып алууну сунуш кылган, ал эми 2025-жылдын мартында Копенгагенге соода бажы салыктарын киргизүү менен коркутуп, аны аннексиялоого болорун айткан.
Гренландия Даниянын автономдуу аймагы болуп саналат. 1951-жылы АКШ жана Дания Гренландияны коргоо боюнча келишимге кол коюшкан, анын негизинде Америка аралды мүмкүн болгон агрессиядан коргоо милдетин өзүнө алган.
