Жолугушууда суу-мотор спорту тармагында кызматташтыкты тереңдетүү мүмкүнчүлүктөрү жана Кыргызстанда UIM чемпионаттарын уюштуруу маселелери талкууланды.
Президент UIMдин өлкөдө дүйнөлүк чемпионатты өткөрүүгө даярдыгы Кыргызстандын эл аралык спорттук кызматташтык, туризм жана ири иш-чараларды уюштуруу жаатында активдүү өнүгүшү үчүн маанилүү кадам экенин белгиледи.
Жапаров ошондой эле Ысык-Көл облусунда туристтерди кабыл алчу Каракол жана Тамчы шаарларында эки эл аралык аэропорттун бар экенин айтты. Мындан тышкары, көлдүн жээгинде жогорку категориядагы бир нече мейманканалардын курулушу уланууда.
Раффаэле Чиулли Дүйнө кубогу суу-мотор спорту дүйнөсүндө чоң окуя экенин, ал F1H2O класстагы катерлер боюнча королдук жарыштар чемпионатын, ошондой эле аквабайк, мотосерфинг жана гидрофлайборд боюнча демонстрациялык жарыштарды камтый турганын кошумчалады.
Ал ошондой эле мурунку жарыштар Кытай, БАЭ, Катар, Индонезия, Сауд Аравиясы жана Вьетнам сыяктуу өлкөлөрдө өткөнүн айтып, суудагы жарыштар планетадагы эң көркөм спорт түрлөрүнүн бири экенин, 86дан ашык өлкөгө трансляцияланып, 900 миллиондон ашык көрүүчүнү камтыганын белгиледи.
Жолугушуунун аягында эки тарап Дүйнө кубогу Формула-1 сууда UIM F1H20, алгачкы жолу Борбордук Азияда өтөт, Ысык-Көлдүн туристтик потенциалын көрсөтүүгө жана улуттук брендди глобалдык аренада илгерилетүүгө натыйжалуу инструмент болоруна ишеним билдирди.
