Кыргыз Республикасынын Президенти Садыр Жапаров 14-мартта Эл аралык суу- мотор спорту союзунун (UIM) президенти Раффаэле Чиулли менен жолугушту.
Администрациянын маалымат кызматы билдиргендей, тараптар суу- мотор спорту тармагындагы кызматташтыкты өнүктүрүү перспективаларын жана Кыргызстанда UIMдин демилгеси менен мелдештерди өткөрүү мүмкүнчүлүгүн талкуулашты.
Садыр Жапаров, дүйнөлүк чемпионатты өлкөдө өткөрүү маанилүү окуя болоорун белгиледи. Бул, спорт, туризм жана ири иш-чараларды уюштуруу жаатында Кыргызстан менен эл аралык кызматташтыктын активдүү өнүгүшү фонуна караганда, өзгөчө маанилүү.
Бул контекстте ал Ысык-Көл облусунда туристтерди кабыл алчу Каракол жана Тамчы шаарларында эки эл аралык аэропорттун бар экенин белгиледи. Мындан тышкары, көлдүн жээгинде беш жылдыздуу жана жети жылдыздуу мейманканалар курулууда.
Раффаэле Чиулли, өз кезегинде, Дүйнөлүк Кубок суу- мотор спорту боюнча масштабдуу фестиваль экенин, анын ичинде F1H2O класстагы катерлер боюнча королдук жарыштар жана аквабайк, мото-серфинг жана гидрофлайборд боюнча көрсөтмө жарыштар бар экенин баса белгиледи.
Ал мурда мындай мелдештер Кытай, БАЭ, Катар, Индонезия, Сауд Аравиясы жана Вьетнам сыяктуу өлкөлөрдө өткөнүн айтып, суудагы жарыштар эң кызыктуу спорттун түрлөрүнүн бири экенин, 86дан ашык өлкөгө трансляцияланып, 900 миллионго жакын көрүүчүнү камтый турганын белгиледи.
Жолугушуунун соңунда Садыр Жапаров жана Раффаэле Чиулли Формула 1дин суудагы UIM F1H2O Дүйнөлүк Кубогун өткөрүү Кыргызстанда туристтик потенциалды көрсөтүп, улуттук брендди эл аралык аренада илгерилетүү үчүн натыйжалуу инструмент болоруна ишеништи.
