Бул мелдеш 18-рет өткөрүлүп, 21-февралда Фукуока шаарында болду.
Эркектер арасында 10 км аралыкка өткөн жарышка Бангладеш, Гонконг, Индия, Индонезия, Казакстан, Кытай, Кыргызстан, Сингапур, Тайланд, Филиппин жана Япониядан 25 атлет катышты.
Кыргызстандан жарышка үч жүгүрүүчү катышып, эң жакшы натыйжаны Нурсултан Кенешбеков көрсөттү, ал аралыкты 30 мүнөт 16 секундда жүгүрүп өттү. Ал Япониялык спортчуга 56 секунд менен артта калды.
Жусуп Сулайман уулу 7-орунду (+1 мүнөт 46 секунд) алса, Тилекжан Женшеналы уулу 10-орунду (+2 мүнөт 40 секунд) ээледи.
Командалык эсепте кыргызстандык команда күмүш медаль утуп, 2-орунду алды.
Аялдар арасында 10 км аралыкка Кыргызстандан Анара Абдыкапарова катышып, 43 мүнөт 56 секунд менен 17-орунду ээледи.
