Бүгүн, 16-февралда, Каба уулу Кожомкул атындагы спорт комплексинде Кыргыз Республикасынын спорттук жана жекпе-жек самбосунан чемпионаты башталды, деп билдирет Физикалык маданият жана спорт мамлекеттик агенттиги. Соревнованиянын биринчи күнүндө спортчулар 58, 71, 88 жана 98 кг салмак категорияларында атаандашышат. Турнирдин узактыгы эки күндү түзүп, 17-февралда аяктайт. Чемпионаттын ачылышы ГАФКиСтин орун басары Бузурман Багышбековдун, ошондой эле спортчулардын жана башка расмий адамдардын катышуусунда өттү.
