Маалыматка ылайык, 2026-жылдын 14-февралында Кара-Балта шаарында балдар-өспүрүмдөр спорт мектебинин базасында Жайыл районунун мектеп окуучулары арасында тогуз коргоол боюнча ачык чемпионат өткөрүлдү, ал советтик аскерлердин Афганистандан чыгарылганына 37 жыл толуусуна арналган.
Мелдешке Жайыл районунан төрт команда катышты. Үчүнчү командалык орунду Шурубубу Оморованын жетекчилигиндеги №9 орто мектептин окуучулары ээледи.
Экинчи командалык орунду Сыргабек Ахматованын жетекчилигиндеги Ак-Башат орто мектебинин окуучулары алды.
Биринчи сыйлуу орунду Темирбек Долотбаковдун жетекчилигиндеги А.Закиров атындагы Кызыл-Дыйкан орто мектебинин окуучулары жеңип алышты.
Тогуз коргоол боюнча райондук мелдештин жеңүүчүлөрү: Рыспеков Фархад, Рыспеков Амаль, Кубанычбекова Айбийке, Кубанычбекова Нурбийке, Кубанычбекова Айша, Алмазбекова Адеми, Бактыбекова Арууке, Сапарбаева Раяна.
Жеңүүчүлөр жана сыйлыктарды алган окуучулар Жайыл районунун балдар-өспүрүмдөр спорт мектебинен эстелик медалдар жана дипломдор менен сыйланышты.
