Иш-чарада мэр Айбек Жунушалиев, ошондой эле негизги шаардык кызматтардын, подряддык уюмдардын өкүлдөрү, Спорт боюнча мамлекеттик агенттиктин директору жана Первомай районунун башчысы катышты. Иш-чаранын катышуучулары имараттын абалы менен таанышып, анын инфраструктурасын модернизациялоого жана реконструкциянын келечектеги этаптарына байланыштуу заманбап талаптарды талкуулашты.
Талкуунун жүрүшүндө баш калаанын тургундарынын кызыкчылыктарын эске алган функционалдык концепцияны иштеп чыгууга көңүл бурулду. Мэр Кожомкул атындагы спорт сарайынын тарыхый мааниси бар экенин белгилеп, аны жаңыртууда оригиналдуу архитектуралык стилди сактоо зарылдыгын айтты.
Жооптуу кызматтар үчүн негизги тапшырма – мүмкүн болушунча тез арада дизайн-концепциясын түзүү, ошондой эле эскиздик долбоорду даярдоону тездетүү жана иштерди этап-этабы менен пландаштыруу болду. Алгачкы кезекте, Бишкек калкы үчүн спорттук инфраструктураны жеткиликтүүлүгүн арттырып, суу спорт түрлөрүнө мүмкүнчүлүктөрдү кеңейтүүчү бассейн куруу пландалууда.
Жыйнтыктын натыйжасында тиешелүү структураларга спорт сарайынын тарыхый көрүнүшүн сактоого жана анын реконструкция процессин тездетүүгө көңүл бурууну тапшырды.
