2025-жылы «Мектеп лигасы» долбоорунда 2030 команда катышып, сыйлык фонду 8,5 млн сомду түздү

2025-жылы Кыргызстанда «Мектеп лигасы» долбоору ийгиликтүү аяктады. Бул долбоор футбол, баскетбол жана волейбол сыяктуу спорттун түрлөрү боюнча мелдештерди камтыды. Бул тууралуу Мамлекеттик дене тарбия жана спорт агенттигинин директору Казыбек Молдажиев 19-январда Жогорку Кеңештин комитетинин жыйынында билдирди.
Анын айтымында, мелдештерге 2700 мектепти өкүлдөгөн 2030 команда катышты, ал эми жалпы сыйлык фонду 8,5 миллион сомду түздү.

Ошондой эле, Чүй облусунда «Мен чемпион» долбоорунун алкагында республикалык мелдештер өткөрүлүп, 12 түрдүү спорт боюнча мелдештер уюштурулду.