Жайыл районунун окуучулары Каракол шаарында шахмат боюнча чемпионатка катышты

2026-жылдын 4-январынан 9-январына чейин Ысык-Көл облусунда жайгашкан Каракол шаарында 6 жаштан 18 жашка чейинки балдар үчүн шахмат боюнча ачык чемпионат өттү.

Бул турнире 100 жаш шахматчы катышты.

Жайыл районунан эки окуучу өз аймагын мелдеште көрсөттү. Кара-Балтадагы Христиан мектебинин 5-классынын окуучусу Анна Палатова 2-орунду ээледи. Ал эми анын теңдеши, Кара-Балта шаарындагы №8 мектептин 6-классынын окуучусу Бакай Мадалиев 14-орунду алды. Бул жаш шахматчыларды даярдаган Эрнист Жакыпов.

Бардык жеңүүчүлөр жана сыйлык ээлери Каракол шаардык балдар-өспүрүмдөр спорт мектеби тарабынан берилген эстелик медалдар жана дипломдор менен сыйланды.