Жайыл районунун балбандары эл аралык турнирдеги сыйлыктуу орундарды ээлешти

10-январдан 12-январга чейин 2026-жылы Бишкек шаарындагы «Изабек» спорттук комплексинде жаштар арасында эркин күрөш боюнча эл аралык турнири өттү.

Турнирге Кыргызстан жана Казакстандан 2011-2012 жана 2013-2016-жылдары туулган 484 жаш күрөшчү катышты.

Жайыл районунан 10 спортчу катышып, төмөнкү жыйынтыктарга жетишти:

• 29 кг салмак категориясында Раатбек Нурубеков 2-орунду ээледи, Сары-Булак айылы, машыктыруучу: Руслан Атакеев;


• 31 кг салмакта Нуркелди Алишеров 1-орунду ээледи, Алексеевка айылы, машыктыруучу: Мурат Курманалиев;


• 31 кг салмакта Кутман Дуйшенкулов 3-орунду ээледи, Ставрополовка айылы, машыктыруучу: Жаркынбек Асылбек уулу;


• 50 кг салмакта Алмаз Абдрашитов 2-орунду ээледи, Ак-Башат айылы, машыктыруучу: Руслан Атакеев.

Жеңүүчүлөр жана сыйлыктарды алган спортчулар турнири уюштуруучулары - КРнын Жаштар күрөш лигасынан эстелик медалдар жана дипломдор менен сыйланды. Мындан тышкары, ар бир салмак категориясынын чемпиондорунун машыктыруучулары акчалай сыйлыктар менен сыйланды.