Sport АКИpressке Кыргыз футбол союзунун берген маалыматына ылайык, Шаршенбеков Сауд Аравиясына каршы турнирдеги биринчи оюнда (0:1) чыгарылганы үчүн жаза өтөөнү улантууда.
Ал оюнда каршылашынын бутуна басып кеткен, жана VARды карагандан кийин судья Фу Минг кызыл карточка берүү чечимин кабыл алган.
Оюнчуга эки оюнга дисквалификация түрүндө жаза берилген.
Ошентип, Шаршенбеков Вьетнамга каршы (1:2) оюнду өткөрүп жиберди жана Иорданияга каршы оюнда талаага чыкпай калат. Ал бул турнирдеги оюнга катышуу мүмкүнчүлүгүнө Кыргызстандын улуттук командасы плей-оффко өтсө гана ээ болот.
