Кубок Азиясы (U-23): Бүгүн Кыргызстан Иордания менен ойноп жатат

Бүгүн, 12-январда, Кыргызстандын жаштар курама командасы (U-23) Саудия Аравиясында өтүп жаткан Азия Кубогунда үчүнчү беттешин өткөрөт.

Топтук этаптагы акыркы оюнда кыргызстандыктар Иордания командасы менен беттешет. Оюн Джидда шаарындагы стадиондо өтүп, Бишкек убактысы боюнча 22:30да башталат.

Эки оюндан кийин Кыргызстандын курама командасынын активинде нөл упай бар. Бирок, Эдмар Ласерда жетекчилигинде команда плей-оффко чыгуу үчүн теориялык мүмкүнчүлүктөргө ээ. Бул үчүн Иорданияга каршы эки гол айырмасында жеңишке жетишип, Саудия Аравиясынын Вьетнамга утулушун күтүү керек.

Үчүнчү турдун оюндардын графиги:

22:30 Иордания - Кыргызстан

22:30 Саудия Аравиясы - Вьетнам