ӨКМден алынган маалыматка ылайык, табигый кырсыктар менен байланышкан тобокелдиктерди азайтуу боюнча кызматташуу маселелери, ошондой эле эрте билдирүү үчүн заманбап чечимдерди киргизүү аркылуу министрликтин ишинин натыйжалуулугун жогорулатуу мүмкүнчүлүктөрү талкууланды.
Зилзала тууралуу эрте билдирүү системасын иштеп чыгууга өзгөчө көңүл бурулду, бул Кыргызстан жана Борбордук Азиянын коңшу өлкөлөрүн мүмкүн болгон табигый кырсыктар тууралуу ыкчам маалымат менен камсыз кылууга мүмкүндүк берет.
Япон тараптын өкүлдөрү бул демилгени колдоого жана биргелешкен долбоорлорду ишке ашырууга катышууга даяр экендиктерин билдиришти.
Мындан тышкары, ӨКМдин мүмкүнчүлүктөрүн күчөтүүгө жана табигый кырсыктардан келип чыккан тобокелдиктерди азайтууга көмөк көрсөткөн мурдагы долбоорлор боюнча ийгиликтүү кызматташуу талкууланды.
