Жергиликтүү бийликтин маалыматына ылайык, 37 үй-бүлө финансылык кыйынчылыкта болуп, балдар жөлөкпулдарын алып жаткан, комиссиянын тандоосунан ийгиликтүү өткөндөн кийин сертификаттарга ээ болушту.
2022-жылдан 2025-жылга чейин Талас шаарында 345 аз камсыз болгон үй-бүлө бул программага катышууда. 2026-жылга Таласка 68 социалдык контракт бөлүнгөн. Мэр Нургазы Асылбеков иш-чарада болуп, сертификат алгандар мамлекеттик жардамды туура пайдаланарына үмүт артарын билдирди.
«Үч жылдын ичинде сиздер аз камсыз болгон үй-бүлөлөр категориясынан чыгып, ийгиликтүү ишкерлер болуп, Кыргызстан экономикасынын өнүгүүсүнө салым кошушуңуздар керек», - деп баса белгиледи мэр.
«Социалдык контракт» программасын ишке ашыруу 2022-жылдын 15-июлундагы Министрлер Кабинетинин № 385 токтомуна ылайык жүргүзүлүүдө.
