Өзгөртүүлөрдү киргизүү сунушу өкмөт башчыдан келип чыккан.
Жаңыланган мыйзамдын версиясында "байланышкан тарап" деген түшүнүк кеңейтилип жатат. Эми ага физикалык жана юридикалык жактар, чечим кабыл алууга таасир эте ала турган келишимдер, акциялык катышуу, финансылык көз карандычылык, көзөмөл, ошондой эле жакын туугандык байланыштар же каржылык колдоо аркылуу таасир эте ала тургандар кирет.
Мындан тышкары, жаңы мыйзам долбоору Кыргызстандын өкмөтү анын ишке ашырылышына жооптуу ыйгарым укуктуу органдарды аныктай турганын белгилейт. Бул органдардын бири документтин талаптарын аткарууну координациялоо жана мониторинг жүргүзүү менен алектенет.
Ошондой эле, жеке кызыкчылыктар боюнча декларацияларды текшерүү ыкмасы өзгөрөт. Верификация мамлекеттик мекемелердин, жергиликтүү өз алдынча башкаруу органдарынын жана ар түрдүү уюмдардын кадрдык кызматтарына тапшырылат.
Маанилүү жаңылык катары мыйзам бузуу үчүн жоопкерчиликтин күчөтүлүшү саналат. Декларациялардагы жалган маалыматтар үчүн дисиплинардык жоопкерчилик каралат. Эгер жетекчи кызыкчылыктар конфликтин аныктаган учурда зарыл чараларды көрбөсө, бул анын жумуштан бошотулушуна негиз болуусу мүмкүн.
Мыйзамдарды бузуу менен алынган кирешелер жана мүлктүк пайда мамлекетке зыяны катары эсептелип, мындай зыяндарды калыбына келтирүү милдеттүү болот.
