Мамлекеттик салык кызматынын орун басары Кубанычбек Ысабеков Биринчи радиодо берген интервьюсунда тигүү тармагынын алдында турган негизги көйгөйлөрдүн бири формалдуу эмес жумуш орундар экенин белгиледи.
«Тигүү бизнесиндеги көлөкө экономика чоң көйгөйдү түзөт. Биз бул маселеге ишкерлер менен болгон жолугушууларда дайыма туш болобуз», — деди ал.
Ысабековдун айтымында, легализация маселеси Россияга экспортко болгон көзөмөлдүн катаалдашып жаткандыгына байланыштуу өзгөчө маанилүү болуп жатат. Россиянын бийлиги бардык жеткирүүлөр мыйзамга ылайык жана бардык салыктарды, анын ичинде КНСти төлөө менен жүргүзүлүшү керек экенин талап кылууда.
Ал ошондой эле, бизнес өкүлдөрүнүн көпчүлүгү өткөндө отчетторунда кызматкерлеринин болгону бир бөлүгүн гана көрсөткөнүн белгиледи. «Мисалы, чындыгында 20 адам иштеп жаткан болсо, отчетто болгону эки-үчөө көрсөтүлүшү мүмкүн», — деп кошумчалады ГНСтин орун басары.
Кубанычбек Ысабеков тигүү тармагы таза барактан баштап, мурдагы мыйзам бузууга кайтып баруудан качышы керектигине көңүл бурду.
Бүгүнкү күндө тигүү тармагында расмий статистика боюнча 10–13 миң жумушчу катталган, алар үчүн киреше салыктары төлөнөт. Бирок чыныгы жумуш орундардын саны кыйла жогору — 100дөн 200 миңге чейин. «Биз 50–100 миң жумушчуну легализациялоого мүмкүнчүлүк табабыз деп үмүттөнөбүз. Социалдык камсыздандыруу жарнасы — биздин жарандардын келечектеги байлыгы», — деп жыйынтыктады ал.
