Димаш жаңы ардактуу статуска ээ болду
5-мартта "Астана Опере" театрында маанилүү окуя болуп өттү: белгилүү ырчы Димаш Кудайберген "Түрк дүйнөсүнүн маданият элчиси" наамын алды. Бул тууралуу Түрксойдун башкы катчысы Султан Раев билдирген.
Димаш бул жогорку сыйлыкка ээ болгон дүйнөдөгү экинчи адам болду. Алгачкы мындай ээси - Нобель сыйлыгына ээ болгон белгилүү түрк окумуштуусу Азиз Санджар.
Ошол эле күнү "Түрк дүйнөсүнүн кино искусствосуна кошкон маанилүү салымы үчүн" "Алтын куу" сыйлыгына белгилүү актриса Самал Еслямова ээ болду. Ал "Айка" фильминдеги ролу үчүн Канн эл аралык кинофестивалында эң жогорку сыйлык - "Алтын пальма бутагы" менен сыйланган.
Султан Раев белгилегендей, бул эки көрүнүктүү казак маданиятынын өкүлү дүйнө жүзүндө казак жана түрк маданиятынын желегин сыймыктануу менен көтөрүп жүрүшөт. Ал ошондой эле Димаштын Кыргызстанга келип, улуу Атайдын "Күйдүм чок" деген белгилүү ырын аткарышына үмүт артканын билдирди.
Сүрөт www
