Ал: "Неге D категориясына ээ болгон айдоочу D1 алуу үчүн окуудан өтүшү керек?" - деген суроо узатты. Мисалы, КамАЗды башкарган адам кичинекей жүк ташуучу унаага отура албайбы? Же 16 орундуу автобусту башкарган айдоочу сегиз орундуу унааны башкарууга укугу жокпу?" - деди.
Анын сөзүнө жооп берип, Мамлекеттик транспортту каттоо жана айдоочуларды даярдоо борборунун директору Тынычбек Саидов 2025-жылдын ноябрында айдоочуларды даярдоонун жаңы тартиби киргизилээрин тактады.
Анын айтымында, D1 подкатегориясын алуу үчүн окуу талап кылынбайт — кошумча практикалык тестирлөөдөн өтүү жетиштүү болот. Эгер тестти ийгиликтүү тапшырса, айдоочуга D1 укук берилет.
Бекешев ошондой эле мурда автобустарды башкарган көптөгөн адамдар азыр маршруттук таксилерде иштей албай жатканын, бул алар үчүн көптөгөн көйгөйлөрдү жаратып жатканын белгиледи. "Ошол себептен көптөгөн фирмалар өз функцияларын аткара албай жатышат, ал эми айдоочулар жүк ташууларды жүргүзө албай жатышат", - деп кошумчалады ал.
Бул контекстте Болотбек Борбиев подкатегориялар боюнча маселени кошумча талкуулоонун зарылдыгын колдоду.
