2-мартта Бишкекте 20 жаңы мектептин курулушуна арналган жумушчу жыйын өттү.
Эмгек министрлигинин маалыматына ылайык, жыйын министрдин орун басары Талантбек Иманакун уулунун жетекчилигинде өтүп, министрликтин тиешелүү департаменттеринин жетекчилерин жана подрядчик компанияларынын өкүлдөрүн чогултту.
Катышуучулар мектептердин учурдагы абалы, сапаты жана курулуштун темпин талкуулашты. Проекттерди ишке ашыруу, курулуш материалдары менен камсыздоо, жумушчу ресурстарын башкаруу, коопсуздук нормаларын сактоо, ошондой эле каржылоону жана жумуштарды белгиленген мөөнөттө аткарууну камсыздоо маселелери көңүл борборунда болду. Подрядчыктарга кечиктирүүлөрдү болтурбоо үчүн конкреттүү сунуштар берилди.
Президент Садыр Жапаровдун буйругуна ылайык, быйыл Бишкекте республикалык бюджеттин эсебинен 20 мектептин курулушу башталды, анын ичинде:
Октябрь районунда – 6 мектеп;
Ленин районунда – 6 мектеп;
Биринчи май районунда – 5 мектеп;
Свердлов районунда – 3 мектеп.
Бардык курулуш аянтчаларында активдүү иштер жүргүзүлүүдө. Толук каржылоо республикалык бюджеттин эсебинен жүргүзүлөт.
Министрлик курулуштун сапаты, коопсуздугу жана графиктердин сакталуусун туруктуу көзөмөлдөп турат. Бул долбоор борбордун билим берүү инфраструктурасын өнүктүрүүгө жана мектеп окуучулары үчүн заманбап шарттарды түзүүгө багытталган.
