Уюмдун билдирүүсүндө, региондогу туруктуу эмес абалдан улам, кичи хадж (умра) үчүн багытталган авиарейстерде үзгүлтүктөр байкалып жатканы, бул өзгөчө кырдаалдарды жаратуудагы себептерден бири экендиги белгиленди.
Учурда Мекке жана Мединада болгон кыргызстандыктарга тынчтык сактоону, кырдаалга туура жооп берүүнү жана туристтик компанияларынын жана топ жетекчилеринин сунуштарына ылайык иш-аракет кылууну сунушташат.
"Сиздерди паникага түшпөөгө жана кырдаалдын жакшырганын жана авиарейстердин калыбына келтирилгенин сабырдуу күтүүгө чакырабыз. Бул убакта бардык жарандарды тынчтык, умманын биримдиги жана өлкөбүздүн гүлдөп-өсүшү үчүн дуба кылууга үндөйбүз", - деп айтылат билдирүүдө.
Умрага барууну пландаштырган адамдарга пландарын жылдыруу жана региондогу кырдаалдын туруктуулугун күтүүнү сунушташат.
Мындан тышкары, ДУМК кыргызстандыктарды мекенине кайтаруу маселелери менен алектенүүчү убактылуу аралык штаб түзүлгөндүгүн маалымдады.
