Министрликтин маалыматына ылайык, 1 981 көрсөтмө берилген, бул 7 777 мыйзам бузууну жоюуга мүмкүндүк берди. Натыйжада экологияга келтирилген жалпы зыян 130 миллион 961 миң сомду түздү.
Инспекторлор ишкер субъекттер арасында 3 619 текшерүү өткөрүп, анын жыйынтыгы боюнча тиешелүү актыларды түзүштү.
Айыптар жана өндүрүү көрсөткүчтөрү
Мыйзам бузуу фактылары боюнча 4 547 протокол түзүлүп, жалпы суммасы 73 миллион 710 миң сомдук айыптар салынды. 2025-жылдын 31-декабрына чейин 66 миллион 145 миң сом өндүрүүгө жетишилди, бул 89,7 пайызды түзөт.
Мындан тышкары, министрлик 57 миллион 251 миң сомдук экологияга келтирилген зыян боюнча 474 доо арыз берди. Мурдагы иштерди эске алганда, доо арыздар боюнча аткаруу 35 миллион 341,3 миң сомду (61,6 пайыз) түздү.
Секторлор боюнча мыйзам бузуулар статистикасы:
Абага көзөмөл жана радиациялык коопсуздук
Табигый ресурстар, экология жана техникалык көзөмөл министрлигинин сүрөтү. Автомобилдердин чыгарын текшерүү
Министрлик атмосфералык абанын сапатына өзгөчө көңүл бөлүп, бул тармакта 260 мыйзам бузууну аныктап, 6 миллион 478 миң сомдук айып салды. Мындан тышкары, 472 автомобилдин зыяндуу чыгарын текшерип, 231 мыйзам бузууну каттады.
Радиациялык коопсуздукту камсыздоо алкагында адистер 51 жолу «Каинды» темир жол өткөрмө пунктунда ведомстволор аралык комиссиялардын ишине катышып, 159 вагондогу минералдык тыңайткычтардын радиациялык фонун өлчөштү.
