Бишкекте мэрдин орун басары Виктория Мозгачева «Бишкекпекарня» муниципалдык ишканасында текшерүү жүргүздү. Бул тууралуу мэриянын басма сөз кызматы билдирет.
Визиттин максаты — борбордун балдар бакчаларына күн сайын жеткирилген нан азыктарынын сапатын изилдөө.
Текшерүү учурунда ал өндүрүш аянттарын карап чыгып, санитардык нормалардын сакталуусун баалап, продукциянын сапаты жана сактоо шарттарын анализдеди. Бардык өндүрүш этаптарында технологиялык процесстердин сакталуусуна өзгөчө көңүл бөлүндү.
Текшерүүнүн жыйынтыгы боюнча продукцияны балдар мекемелерине жеткирүүдөн мурун сапатын үзгүлтүксүз контролдоо жана өндүрүш этаптарында санитардык-гигиеналык көзөмөлдү күчөтүү зарылдыгы жөнүндө чечим кабыл алынды.
