Мексикада учурда болуп жаткан жарандарга өзгөчө этият болууга, адамдардын топтолгон жерлеринен качууга жана жергиликтүү бийликтин көрсөтмөлөрүн аткарууга кеңеш берилет.
Эгерде өзгөчө кырдаалдар пайда болсо, кыргызстандыктар АКШ жана Канададагы Кыргызстандын элчилигине (Вашингтон) +1 202 449 98 22 жана +1 202 256 29 24 телефон номерлери аркылуу же [email protected] электрондук почтасы аркылуу кайрылыша алышат.
Мындан тышкары, КР Тышкы иштер министрлигинин Консулдук департаменти менен +996 999 312 002 номерине байланышса болот.
Мурда маалымдалгандай, Эль Менчо жок кылынгандан кийин Мексикада массалык башаламандык башталды. Мамлекеттин ар кайсы штаттарында куралчан картелдин мүчөлөрү жолдорду жабууга, унааларды өрттөөгө жана күч органдарына кол салууга киришти. Операциянын жүрүшүндө картелдин бир нече мүчөлөрү жок кылынды, аскерлер арасында да жаракат алгандар бар.
Акыркы маалыматтар боюнча, бир нече штаттарда жыйырмадан ашык шектүү кармалган. Кырдаалдын начарлап жатканына байланыштуу авиакомпаниялар учууларын токтотуп, бийлик туристтерге отелдеринде калууну жана коопсуздук чараларын сактоону катуу сунуштоодо.
