Сот аткаруучулар кызматы Бишкектеги Попов көчөсүндөгү 26-үйдө мыйзамсыз курулуштарды буруу боюнча соттун чечимин аткаруу боюнча маалымат берет.
Ведомствонун маалыматына ылайык, карызды төлөөчү Ы. кызы К. мыйзамсыз курулуштарды алып салууга жана жер участогун калыбына келтирүүгө милдеттендирген аткаруу листи Первомай райондук бөлүмү тарабынан алынып, белгиленген эрежелерге ылайык аткарууга кабыл алынган.
Карызды төлөөчүгө соттун талаптарын өз ыктыяры менен аткаруу сунушталган, бирок ал аткарган жок.
Сот аткаруучулары Т.Б.С., А.Э.Ш., андан кийин С.Э.И., К.А.Д. жана С.А.К. бир катар чараларды көрүштү. Аткаруу аракеттери соттук инстанциялардагы арыздар каралып жаткандыктан убактылуу токтотулган, бирок андан кийин мыйзамдуу күчүнө кирген чечимдердин негизинде кайрадан улантылган.
Тийиштүү шаардык кызматтар жана процесстин бардык катышуучулары алдын ала маалымдалган. Жумуштар сот аткаруучунун катышуусунда, процессти каттоо жана мыйзамдардын бардык нормаларын сактоо менен башталды.
Ошентсе да, техникалык жагдайларга байланыштуу демонтаж убактылуу токтотулуп, кийинки убакка жылдырылды.
Сот аткаруучулар кызматы бардык аракеттер мыйзамдын чегинде жана күчүнө кирген сот актыларынын негизинде жүргүзүлүп жатканын билдирет. Сот чечимдерин аткаруу — бул кызматтын милдети, жана кийинки аракеттер соттун чечими толугу менен аткарылганга чейин жүргүзүлөт.
