Балдарга байланыштуу мыйзамдардын сакталышын көзөмөлдөө максатында, Аламедин районунун прокуратурасы 2025-жылы 10 текшерүү жүргүзгөн. Натыйжада 14 укук бузуулар аныкталып, алардын 13 жоюлган. Ошондой эле 5 сунуш жана 4 талап даярдалган. Прокуратура органдарынын ишинин жыйынтыгы боюнча 6 кызматкер ар кандай дисциплинардык жоопкерчиликке тартылган, ал эми мамлекеттин бюджетине 242 миң 710 сом өндүрүлгөн.
Аламедин районунун Ички иштер бөлүмүнүн тергөөчүлөрү өспүрүмдөрдүн кылмыштары менен байланышкан 23 кылмыш иши боюнча тергөө иштерин жүргүзүштү. Алардын ичинен 12 иш 27-берененин 2-бөлүмүнө ылайык токтотулган, 6 иш 27-берененин 1-бөлүмүнүн 13-пункту боюнча жабылган, 3 иш сотко өткөрүлгөн, ал эми 2 иш тергөө стадиясында турат.
Өспүрүмдөргө карата зомбулукка байланыштуу 13 кылмыш иши козголгон. Алардын ичинен 6 иш сотко жөнөтүлгөн, 6 иш токтотулган, 1 иш тергөө процессинде.
Өспүрүмдөрдүн иштер боюнча инспекцияда (ИДН) 66 бала каттоодо турат, алардын ичинен 34 бала отчеттук мезгилде катталган, 92 бала каттоодон чыгарылган.
2025-жылы мектеп окуучулары арасында буллинг, рэкет, өзүнө кол салуу жана үй-бүлөлүк зомбулуктун алдын алуу максатында 8 жолугушуу жана лекция уюштурулган. Ошондой эле укук бузуулардын алдын алуу боюнча бир талап киргизилген.
