Форумдун уюштуруучулары көптөгөн мыкты иштер келип түшкөнүн белгилешти, бирок, тилекке каршы, бардык фильмдер конкурстук программага кире алган жок. «Форумубузга болгон кызыгуңуздар үчүн чоң рахмат!» — деп кошумчалашты.
Конкурстук программага Өзбекстан, Россия, Армения, Азербайжан, Казакстан жана Япониядан келген режиссерлордун чыгарган фильмдери кирди.
XIII Эл аралык жаш кино форуму «Умут» 2026-жылдын 3-7-мартында Бишкекте өтөт. Иш-чаранын максаты — жаш кинематографисттерди колдоо жана алардын иштерин илгерилетүү, бул фильмдерди көрсөтүү, питчингдер жана мастер-класстарды камтыйт.
