Документти иштеп чыгуу боюнча биринчи этапта коомдук угуу өткөрүлдү. Жергиликтүү тургундар долбоор менен таанышып, өз пикирлерин билдиришти жана биринчи сунуштарын беришти. Генералдык план — бул инфраструктуранын келечегин аныктаган негизги документ: социалдык объектилерди куруу жана модернизациялоодон тартып, жер ресурстарын рационалдуу пайдаланууга чейин. Тургундарга кошумча сунуштарды берүү үчүн дагы бир ай убакыт берилди — ар бир айыл тургунунун пикири акыркы долбоор үчүн маанилүү.
Кутман Эралиевдин айтымында, учурдагы план 1982-жылы бекитилген жана жалпы 352 гектар аймакты камтыган. Жаңы документ узак мөөнөттүү келечекти эске алуу менен иштелип жатат жана азыр 1869 гектарды камтыйт.
Бүгүнкү күндө айылдык аймакта болжол менен 25 миң адам жашайт:
- 20 миң — Куршаб айылында;
- 5 миңден ашык — Эрдик жана Шагым айылдарында.
Генпланды даярдоодо адистер калктын табигый демографиялык өсүшүн эске алышат.
Документти иштеп чыгууга республикалык бюджеттен 13 млн 54 миң 200 сом бөлүнгөн. Топографиялык иштер өткөн жылы толугу менен аяктаган, ал эми генералдык планды акыркы бекитүү ушул жылдын экинчи кварталына пландалган.
