Документти «Кыргызстандын аэропорттору» ААКсынын башкармалыгынын төрагасы Манасбек Самидинов жана «Мамлекеттик камсыздандыруу уюму» ААКсынын башкармалыгынын төрагасы Элдияр Калдарбеков кол коюшту.
Келишимдин максаты милдеттүү жана ыктыярдуу камсыздандыруу жаатында өнөктөштүктү бекемдөө болуп саналат. Бул мүлк, жүк, транспорт, ошондой эле жоопкерчилик, жашоо жана ден соолук, авиация инфраструктурасынын объектилерин эксплуатациялоого байланыштуу тобокелдиктерди камсыздандырууну камтыйт.
Тараптар узак мөөнөттүү кызматташтык үчүн шарттарды иштеп чыгууга жана негизги багыттар боюнча тиешелүү келишимдерди кол коюуга ниеттенишет.
