«Мамлекеттик камсыздандыручу уюму» жана «Кыргызстандын аэропорттору» акционердик коомдору камсыздандыруу жаатында кызматташуу боюнча меморандумга кол коюшту.
Документти кол коюу иш-чарасы эки уюмдун башкармалыктарынын төрагалары — Манасбек Самидинов жана Элдияр Калдарбековдун катышуусунда өттү.
Бул келишимдин максаты — милдеттүү жана ыктыярдуу камсыздандыруу тармагында, мүлк, транспорт, жүк, ошондой эле жоопкерчилик, өмүр жана ден соолук, анын ичинде ташуу жана авиация инфраструктурасынын объекттерин пайдалануу менен байланышкан тобокелдиктерди камтыган өнөктөштүк мамилелерди өнүктүрүү.
Тараптар узак мөөнөттүү кызматташууга шарттарды түзүүнү жана негизги багыттар боюнча тиешелүү келишимдерди иштеп чыгууну ниеттенишет.
