Бул чечим мал чарбачылыгын, жайыттарды жана жемдерди өнүктүрүүгө адистешкен ветеринардык кызматтын кылдат ишинин натыйжасы болуп саналат.
Кытай рыногуна жеткирүүгө уруксат берилген компаниялардын тизмесине ОсОО «Ат Башы Трейд», ОсОО «Алия», ОсОО «Гермес Ко ЛТД», ОсОО «Жол-Аман», ОсОО «Таалай Групп», ОсОО Wool KG, ОсОО «Опэн Трейд» жана ОсОО «Торугарт Трейд» сыяктуу уюмдар кирди.
Бул ишканалар ири мүйүздүү малдын терисин жана кичи мүйүздүү малдын жүнүн кайра иштетүү менен алектенишет. Уруксат алуу кыргызстандык өндүрүүчүлөр үчүн жаңы мүмкүнчүлүктөрдү ачып, экспорттук жеткирүүлөрдү кеңейтүүгө жана Кытай менен соода-экономикалык байланыштарды бекемдөөгө мүмкүндүк берет.
Ветеринардык кызмат жаңы жергиликтүү компанияларды Кытай рыногуна чыгууга көмөктөшүү жана экспортко уруксат берилген кыргыз продукциясынын ассортиментини көбөйтүү боюнча активдүү иштерин улантууда.
