Министрликтин маалымат кызматы билдиргендей, бул чечим ветеринардык кызматтын жүргүзгөн комплексдүү ишинин натыйжасы болуп, ошондой эле Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин мал чарбачылыгын жана жайыттарды өнүктүрүү боюнча иш-аракеттеринин жыйынтыгы болуп саналат.
Кытайга товар жеткирүүгө уруксат берилген компаниялардын тизмесине: ОсОО "Ат Башы Трейд", ОсОО "Алия", ОсОО "Гермес Ко ЛТД", ОсОО "Жол-Аман", ОсОО "Таалай Групп", ОсОО "Wool KG", ОсОО "Опэн Трейд" жана ОсОО "Торугарт Трейд" кирет.
Ведомствонун маалыматына ылайык, бул ишканалар іри мүйүздүү малдын терисин жана майда мүйүздүү малдын жүнүн кайра иштетүү менен алектенишет. Уруксат алуу кыргыз өндүрүүчүлөр үчүн кошумча мүмкүнчүлүктөрдү түзүп, экспорттук жеткирүүлөрдү кеңейтүүгө жана Кытай менен экономикалык байланыштарды чыңдоого мүмкүндүк берет.
