2026-жылдын 12-февралынан тарта Кыргызстандагы сегиз компания Кытайга продукция экспорттоого уруксат алышты, бул Кытайдын Башкы бажы башкармалыгынын чечими менен мүмкүн болду.
Суу ресурстары, айыл чарба жана кайра иштетүү өнөр жайы министрлигинин маалыматы боюнча, бул ветеринардык кызматтын, ошондой эле мал чарбачылыгын жана жайыттарды өнүктүрүү менен алектенген кызматтардын кылдат ишинин натыйжасы болуп саналат.
Кытайга өз продукциясын экспорттоого уруксат алган ишканалардын тизмесине: ОсОО «Ат Башы Трейд», ОсОО «Алия», ОсОО «Гермес Ко ЛТД», ОсОО «Жол-Аман», ОсОО «Таалай Групп», ОсОО «Wool KG», ОсОО «Опэн Трейд» жана ОсОО «Торугарт Трейд» кирди.
Бул компаниялар іри мүйүздүү малдын терисин жана майда мүйүздүү малдын жүнүн кайра иштетүү менен алектенишет. Уруксат алуу кыргыз өндүрүүчүлөр үчүн жаңы мүмкүнчүлүктөрдү ачып, экспорттук жеткирүүлөрдүн көлөмүн көбөйтүүгө жана Кытай менен соода байланыштарын бекемдөөгө мүмкүндүк берет.
Ветеринардык кызмат жаңы отандык компанияларды кытай рыногуна чыгууга көмөктөшүү жана экспорттоого уруксат берилген кыргыз продукциясынын тизмесин кеңейтүү боюнча активдүү иштерин улантууда.
