Ведомствонун маалыматына ылайык, 2003-жылы Талас мамлекеттик кадастр башкармалыгынын жана Су ресурстары башкармалыгынын кызмат адамдары менен сүйлөшүп, «Тобой» коомдук уюмунун жетекчиси С.Т.Д. калктын жашоосун камсыз кылган инфраструктураны мыйзамсыз приватизациялаган.
Текшерүү маалыматтарына ылайык, мамлекеттик структуралардын кызматкерлеринин кызмат абалын жана документтерди жасалмалоону пайдаланып, С.Т.Д. өз уюмунун балансында 1,7 га, 0,68 га жана 1 га жер аянттары менен кошо суу алуу жайларын чыгарган. Объектилердин жалпы баасы 36 415 400 сомду түздү.
Жүргүзүлгөн тергөө иштеринин натыйжасында, бул жашоо үчүн маанилүү объектилер кайрадан мамлекеттик менчикке кайтарылды.
