Торобаевдин маалыматына ылайык, пландарда 776 километр каналдарды оңдоп, тазалоо, ошондой эле 657 миң километр суу жолдорун бетондоо иштери жүргүзүлөт. Мындан тышкары, бир нече насос станцияларын калыбына келтирүү жана 225 километр коллектор-дренаждык системаларды тазалоо иштерин жүргүзүү пландалууда.
Министр бүгүнкү күндө 15 051 скважина катталганын, анын ичинен 308и текшерүүдөн өткөнүн кошумчалады. Бул жылы 83 жаңы скважинаны пайдаланууга берүү пландалууда. Кыргызстанда жалпы көлөмү 884 миллион кубометр суусу бар 498 суу сактагыч бар, бул 2025-жылга салыштырмалуу 35 пайызга аз.
