Кыргыз Республикасынын триатлон федерациясы менен биргеликте, Физикалык маданият жана спорт боюнча мамлекеттик агенттик "Жаңы жол" социалдык-спорттук долбоорун баштоо тууралуу жарыялады. Бул реалити-шоунун максаты "офис" жашоо образына болгон түшүнүктөрдү бузуу жана жөнөкөй кызматкерлердин чыныгы спортчуларга айлануусун көрсөтүү.
Долбоордун максаты мамлекеттик кызматкерлерди активдүү спорт менен алектенүүгө тартуу жана алардын биринчи кадамдарынан баштап, олуттуу аралыкта фиништик сызыка чейин болгон жолун көрсөтүү. Алты жарым ай бою көрүүчүлөр катышуучулардын даярдыгын байкоо мүмкүнчүлүгүнө ээ болушат, анын кульминациясы 13-сентябрда пландалган любительдер үчүн триатлон боюнча Азия Кубогундагы чыгышы болот.
Долбоорго катышуу үчүн мамлекеттик, муниципалдык жана бюджеттик структуралардан 10 адам тандалат. Уюштуруучүлөрдүн катуу талаптары бар: катышуучулар 28 жаштан 38 жашка чейинки, мамлекеттик кызматта кеминде беш жылдык стажы бар жана профессионалдык спорттук тажрыйбасы жок болушу керек. Ошондой эле катышуучулар жумасына үч жолу өтүүчү интенсивдүү машыгууларга даяр болушу жана милдеттүү медициналык текшерүүдөн өтүшү керек.
Даярдык процесси камерага тартылып, "Кабинеттен - жеңишке" деген ураан менен серия форматында трансляцияланат. Заявкаларды кабыл алуу 2-февралдан 15-февралга чейин уланат, ал эми 16-февралдан 18-февралга чейин конкурс өткөрүлөт. Официальдуу машыгуулар жана тартуулар 1-марттан башталат.
