Кыргызстанда мамлекеттик кызматкерлердин катышуусунда спорттук реалити-шоуну өткөрүү пландалууда. Бул тууралуу маалыматты КРнын Физикалык маданият жана спорт мамлекеттик агенттигинин өкүлдөрү «Кабар» агенттигине беришти.
Бул иш-чара триатлон федерациясы менен өнөктөштүктө уюштурулууда.
Алгачкы этапта спорттук тажрыйбасы жок он бюджеттик мекеменин кызматкерлерин тандоо пландалууда. Катышуучуларга чуркоо, сүзүү жана велоспорттун негиздери үйрөтүлөт. Шоунун катышуучуларынын мамлекеттик органдарда иштөө стажы беш жылдан кем болбошу, ал эми катышуучулардын жашы 28ден 38ге чейин болушу керек», - деп кошумчалашты агенттиктен.
