Бишкек шаардык мэриясында мэр Айбек Джунушалиев менен Европалык реконструкция жана өнүктүрүү банкынын өкүлдөрүнүн ортосунда диалог болду.
Мэриянын басма сөз кызматынын маалыматына ылайык, жолугушууда шаарды жылуулоо жана суу менен камсыздоо боюнча биргелешкен долбоорлор, ошондой эле Бишкектин ЕБРР тарабынан ишке ашырылып жаткан «Жашыл шаарлар» программасына катышуусу талкууланды.
Шаар башчысы банк өкүлдөрүнө Бишкекте ишке ашырылып жаткан маанилүү долбоорлор тууралуу маалымат берди. Мындай долбоорлорго экологиялык технологиялык заводду түзүү, ошондой эле шаардагы жашылдандыруу жана абанын сапатын жакшыртуу боюнча иш-чаралар кирет. 2025-жылы 19 миң дарак отургузуу пландалууда, ал эми 2026-жылы – болжол менен 50 миң көчөт.
ЕБРРдин өкүлдөрү, өз кезегинде, 2050-жылга чейин борбордун өнүгүү жалпы планында каралган долбоорлорду ишке ашырууну колдоого даяр экендиктерин билдиришти.
«Биз сиздин жардамды жогору баалайбыз. Сиз долбоорлордун бардык этаптарында – даярдоодон баштап, ишке ашырууга чейин колдоо көрсөтүп жатасыз. Биз ар дайым кызматташууга ачыкбыз жана мындан ары да өз ара аракеттешүүгө үмүттөнөбүз», – деди Айбек Джунушалиев.
Жолугушуунун жыйынтыгында тараптар долбоорлорду ишке ашыруудагы биргелешкен кызматташтыкты улантууга ниеттеништи.
