Бишкек шаардык мэриясында Бишкек мэри Айбек Жунушалиев менен Европа жана Борбордук Азиядагы экология боюнча Дүйнөлүк банктын практикалык менеджери Гаяна Минасян ортосунда жолугушуу өттү. Бул тууралуу муниципалитеттин басма сөз кызматы маалымдады.
Сүйлөшүү учурунда мэрия тарабынан «Агабыздын сапатын жакшыртуу» долбоорунун алкагында жүргүзүлүп жаткан актуалдуу демилгелер талкууланды. Айрыкча, «Жашыл белдем» концепциясына, турак жай имараттарында жылуулук насосторун колдонуу боюнча пилоттук долбоорго жана башка экологиялык иш-чараларга көңүл бурулду.
Мэр Бишкекте ишке ашырылып жаткан маанилүү долбоорлор тууралуу кенен айтып берди, анын ичинде экологиялык технологиялык заводдун курулушу, «Бишкек жылуулук электр борбору», «Бишкек жылуулук тармагы» жана «Бишкек жылуулук энергиясы» муниципалдык ишканаларынын ишин модернизациялоо, ошондой эле Аламудун жана Ала-Арча дарыяларын тазалоо. Муниципалдык инспекциянын аракеттерине атайын көңүл бөлүндү.
Мындан тышкары, мэр шаарга 50 миң көчөт келип түшкөнүн, алар жашылдандыруу үчүн пайдаланыларын билдирди.
«Биздин кызматташтыгыбыз абанын сапатын жакшыртууга жана Бишкекти экологиялык туруктуу жана жашыл шаар катары имидж түзүүгө жардам берет деп үмүттөнөм», - деди Айбек Жунушалиев.
Жолугушуунун аягында эки тарап да жемиштүү жана өз ара пайдалуу кызматташтыкты улантууга үмүт артарын билдиришти.
