Укук коргоо органдарынын маалыматына ылайык, 5-январда "Ингосстрах" ЗСАОсынын өкүлү "Д. А. Р." ИПсинин кызматкерлерине карата текшерүү жүргүзүү өтүнүчү менен арыз берген.
Тергөө маалыматтарына ылайык, 2025-жылдын апрелинен декабрына чейин аталган ишкердин айрым кызматкерлери полис сатуу аркылуу алынган кирешелерди уурдап, ысырапташкан. Уюмга келтирилген зыян болжол менен 7 миллион сомго бааланууда. Кылмыш жасалгандан кийин шектүүлөр жашынып кетишкен.
Бул фактылар боюнча Кыргыз Республикасынын Кылмыш кодексинин "Тапшырылган мүлктү уурдоо жана ысыраптоо" беренеси боюнча кылмыш иши козголгон. Оперативдик иш-чаралардын натыйжасында шектүүлөрдүн бири — 1985-жылы туулган башка мамлекеттин жараны аныкталды. Ал кармалып, убактылуу кармоо жайына жайгаштырылды.
Тергөө иштери уланууда. Укук коргоо органдары иштин бардык чоо-жайларын жана мүмкүн болгон шериктерди аныктоо боюнча иш алып барууда.
