Мамлекеттик монополиянын киргизилиши маанилүү жаңылык болуп калды, бул окутуу мамлекеттик авто мектебинде гана мүмкүн экенин билдирет. Бул боюнча жеке авто мектептердин ээлери өздөрүнүн бизнеси фактически жок кылынууда деп тынчсыздануусун билдиришти.
"Кабар" агенттигине берген интервьюсунда президент авто мектептердин ээлери пландалган өзгөртүүлөр тууралуу алдын ала эскертилгенин белгиледи:
"Биз аларды алдын ала эскерткенбиз. 2026-жылдан баштап бул мектептердин лицензиясы токтотулары тууралуу билдиргенбиз, жана тармакта олуттуу реформа жүргүзүлөт. Бирок, көпчүлүк эски схемалар боюнча иштөөнү улантышты. Алар үчүн 10 күндүн ичинде курсантты окутуп, сертификат берүү пайдасы көп болчу, анткени биринчи орунда пайда турчу, ал эми курсанттардын окутуу сапатына көңүл буруу экинчи планда калчу. Бул тармакка жоопкерчиликсиз мамиле кылууга болбойт. Бирок авто мектептердин кызматкерлери жумушсуз калбайт, алар мамлекеттик авто мектептерге өткөрүлөт", - деп кошумчалады президент.
