Ош облустук экология жана техникалык көзөмөл кызматынын маалыматтарына ылайык, 2026-жылдын 27-январында жергиликтүү тургундардын бири беркутту үй шартында кармап жаткандыгы боюнча арыз түшкөн.
Инспекторлордун, NABU уюмунун кызматкерлеринин жана «Барс-2» тобунун биргелешкен аракеттеринин натыйжасында мыйзам бузуучу аныкталды. Текшерүү көрсөткөндөй, ал жаныбарлар дүйнөсүнүн объектилерин мыйзамсыз чыгаруу, ташуу, сактоо жана сатуу боюнча 262-1-беренени бузган. Натыйжада ага протокол түзүлүп, 20 000 сом өлчөмүндө айып пул салынды.
Алынган беркут ийгиликтүү өзүнүн табигый жашоо чөйрөсүнө кайтарылды.
