16 камсыздандыру уюмунун өкүлдөрү жалпы эрежелерди жана финансылык туруктуулукту жогорулатуу жолдорун талкуулашты.
Бишкекте 16 камсыздандыруу компаниясынын өкүлдөрү жыйналып, кайра камсыздандыруу рыногунун өнүгүү перспективаларын талкуулашты.
Кайра камсыздандыруу бир камсыздандыруу компаниясынан экинчи компанияга кээ бир тобокелдиктерди өткөрүп берүү дегенди билдирет, бул мүмкүн болгон чыгымдарды азайтууга мүмкүндүк берет.
Иш-чаранын уюштуруучусу «Мамлекеттик камсыздандыруу уюму» (МКУ) болуп, кайра камсыздандыруу тармагында улуттук оператор болуп саналат. Жыйындын катышуучулары рыноктогу учурдагы көйгөйлөрдү карап чыгып, биргелешип өсүү жана финансылык туруктуулукту бекемдөө мүмкүнчүлүктөрүн талкуулашты.
Талкуулардын натыйжасында компаниялар кайра камсыздандыруу боюнча бирдиктүү ички регламенттерди иштеп чыгуу жана тармактагы капиталды биргелешип бекемдөө зарылдыгы боюнча макулдашышты. Жыйындын жыйынтыктары Экономика министрлигинин Финансылык рынокту жөнгө салуу жана көзөмөлдөө кызматына жөнөтүлдү.
Эксперттердин пикири боюнча, мындай демилгелер Кыргызстандагы камсыздандыруунун ишенимдүүлүгүн кыйла жогорулатууга жана компанияларды олуттуу чыгымдардан коргоого мүмкүндүк берет.
Мамлекеттик камсыздандыруу уюмунун пресс-кызматынын сүрөтү
Сүрөт www
