Кыргызстандын Эмгек, социалдык камсыздандыруу жана миграция министрлиги Россияда эмгек ишмердүүлүгүн пландап жаткан жарандар үчүн маанилүү түшүндүрмөлөрдү берди.
Ведомстводо бардык кыргызстандыктарга чыгып кетүүдөн мурун migrant.kg жумушка орноштуруу борборунун сайтынан өтүп, Россия Федерациясынын аймагына кирүүгө тыюу салынган адамдардын тизмесине кирбегендерине ишенүүнү сунушташат.
Россияда легалдуу болуу үчүн, жергиликтүү мыйзамдарга ылайык, бир нече милдеттүү кадамдарды аткаруу зарыл:
- келгенден кийин 30 күндүн ичинде медициналык текшерүүдөн өтүп, дактилоскопиялык каттоодон өтүп, сүрөт тартуу;
- ошондой эле 30 күндүн ичинде убактылуу жашаган жер боюнча миграция органынын каттоосунан өтүү. Москва жана Москва облусунда иштөө үчүн келген жарандар «Амина» мобилдик тиркемесин миграциялык каттоо үчүн пайдалана алышат; алардын үй-бүлө мүчөлөрү жалпы эрежелер боюнча катталууга тийиш;
- эмгек же жарандык-укуктук келишим түзүү;
- 90 күндүн ичинде убактылуу болуу мөөнөтүн келишимдин негизинде узартуу, миграциялык картада миграция органдарынан белгини алуу.
Кошумча маалымат үчүн жарандар Москвадагы Эмгек министрлигинин өкүлчүлүгүнө төмөнкү дарек боюнча кайрыла алышат: Малая Полянка көчөсү, 7-үй, 5-кабат, же телефон аркылуу: +7 996 968 98.
