Ошондой эле Минтруд Россиянын аймагында легалдуу болуш үчүн бир катар милдеттүү аракеттерди аткаруу зарылдыгын эскертет. Атап айтканда:
— 30 күндүн ичинде медициналык текшерүүдөн өтүү, мамлекеттик дактилоскопиялык каттоодон өтүү жана сүрөт тартуу талап кылынат;
— ошол эле мөөнөт ичинде убактылуу жашоо жеринде миграциялык органда катталуу керек. Москва жана Москва облусуна иштөө үчүн баргандар үчүн каттоо «Амина» тиркемеси аркылуу жүргүзүлөт, ал эми үй-бүлө мүчөлөрү жалпы эрежелер боюнча каттала алышат;
— эмгек же жарандык-укуктук келишим түзүү керек;
— 90 күндүн ичинде эмгек же жарандык-укуктук келишимдин негизинде убактылуу жашоону узартуу, миграциялык картада тиешелүү органдарда белгилөө алуу зарыл.
Кыргызстандыктар, суроолору бар болсо, Россиядагы Минтруд, социалдык камсыздандыруу жана миграция министрлигинин өкүлчүлүгүнө кайрылса болот. Дареги: Москва шаары, Майлуу Полянка көчөсү, 7-үй, 5-бирикме. Байланыш телефону: +7 996 968 98 97.
