Эң жогорку жаза мөөнөтү — 3 жылга чейин
Кыргызстанда алимент төлөөдөн качкан ата-энелер үчүн кылмыш жоопкерчилиги киргизилет. Башкы прокурордун орун басары Умуткан Конкубаева бул маалыматты Жогорку Кеңештин жыйынында билдирди.
Прокуратура депутаттарга жаңы мыйзам долбоорун сунуштады, анда алименттик келишимди же алименттер боюнча сот чечимин аткарбагандыгы үчүн төмөнкү чаралар каралган:
- үч айдан ашык карыз үчүн — үч күнгө чейин камакка алуу;
- жыл ичинде кайрадан бузуу үчүн — жети күнгө камакка алуу;
- 12 ай бою төлөбөгөндүгү үчүн — 100дөн 200 саатка чейин коомдук иштер же бир жылга чейин түрмөгө отуруу;
- кирешени жашыруу же төмөндөтүү, ошондой эле соттун чечими жана сот аткаруучусунун токтому боюнча жумушка орношуудан качуу үчүн — 100 миң сом өлчөмүндө айыппул же үч жылга чейин эркинен ажыратуу.
Мыйзам долбоору парламенттин комитетинде талкуулануу учурунда биринчи окууда жактырылды.
Сүрөт www
