Бюджеттин көлөмү дээрки үч эсе көбөйдү, ошондой эле фильмдердин жана сериалдардын саны да артты
Жогорку Кенештин илим, билим берүү жана маданият боюнча комитетинин жыйынында маданият, маалымат, спорт жана жаштар саясаты министринин орун басары Марат Тагаев 2025-жылдагы улуттук кинематографиянын абалы тууралуу отчетун сунуштады.
Ал 2024-жылы тармакты каржылоонун көлөмү 345 миллион сомдон 2025-жылы 970 миллион сомдон ашыкка өскөнүн белгиледи. Жыл ичинде Кинематография департаменти 4 миңден ашык документти иштеп чыкты, бул ведомствонун кино өндүрүшүн колдоо жана өнүктүрүү боюнча активдүү ишин көрсөтөт.
2025-жылы мамлекеттин колдоосу менен Департамент аркылуу 4 фильм жана 1 сериал түзүлдү, ал эми Улуттук киностудия «Кыргызфильм» 48 фильм жана 2 анимациялык лента чыгарды. Мындан тышкары, «Кыргызсериал» чыгармачылык бирикмеси 7 сериал жана 1 тарыхый долбоорду ишке ашырды.
Ошондой эле, ушул жылы материалдык-техникалык базаны жаңылоо иштери жүргүзүлдү: киностудияларды капиталдык оңдоого 16 миллион сом бөлүндү, ал эми атайын жабдууларды сатып алууга 192 миллион сомдон ашык каражат жумшалды. Бул чаралар сапаттуу кино жаратууга жана көрсөтүүгө шарттарды кыйла жакшыртты.
Сүрөт www
