Вице-премьер-министр жана суу ресурстары, айыл чарба жана кайра иштетүү өнөр жайы министри Бакыт Торобаев «Манас» эл аралык аэропортуна альтернативдүү жол куруу долбоору менен таанышып чыкты. Транспорт жана байланыш министри Абсаттар Сыргабаев менен, ошондой эле тиешелүү министрликтердин өкүлдөрү менен жолугушууда долбоордун максаттары, техникалык мүнөздөмөлөрү жана ишке ашыруу боюнча негизги этаптары талкууланды.
Берилген планда 17 чакырым узундуктагы төрт жолдуу автоунаа жолун куруу пландаштырылууда, ал Бишкек шаарынын Түндүк айланма жолунун жана Жаш Гвардия бульварынын кесилишинен башталат. Долбоордо ошондой эле эки деңгээлдүү транспорттук түйүн куруу, жарык берүү жана жашылдандыруу иштерин жүргүзүү каралган.
Кийинки этап изилдөө жана долбоорлоо иштерин жүргүзүүнү камтыйт.
Мындан тышкары, Чүй облусунда Мраморное айылынан Виноградное айылына чейинки 8,7 км узундуктагы эки жолдуу жол жана көпүрө куруу пландаштырылууда.
Бул долбоордун ишке ашырылышы транспорттук тыгындарды азайтууга, жол кыймылынын коопсуздугун жогорулатууга, инфраструктураны жакшыртууга жана регион аралык байланыштарды өнүктүрүүгө багытталган. ```
